Wia ma midm Weatabiachl gscheid oarwad
Aus RegioWiki
In unserm Weatabiachl fia Boarisch soi mid da Zeit a meglichst voiständige Listn boarischer Dialektausdrück entsteh. So geht's: Einfach de oanzlna Begriff ois eigne Seitn eidrong und dann am End a [[Kategorie:Boarisch]] eifügn.
- Bei Weata, bei dene ma ned glei woas dass boarische hand, schreims bitte dazua wo ma des Woad genau findn ka. A bei bsundane Ausdrück aus oanzelne Fachbereich, wia zan Beispü aus da Landwirtschaft, soiad a Vermerk agfügt wean.
- So schreibt ma wos ei: Bitte z'erscht in dem Weatabiachl nochschau, ob da neie Eintrag ned scha unter ana ähnlichen
Schreibweis vorhanden is. In dem Foi ka ma zu de Seitn, de's scha gibt, na ebs dazuaschreim, indem mas afruaft und af "Bearbeiten" klickt. Foiss des Woad oder den Ausdruck na ned gibt, schreibt ma in des Fenster "Suche", des in dera Menüleistn links steht. Dann suacht ma und griagt dann den neia Begriff ois Link in roda Foab. Wenn ma af den Link druckt, ersteid se de neie Seitn von aloa, es mocht se des "Bearbeiten-Fenster" af, in des ma den Text eischreim ka.
- Na wos dazua, wia ma gschrim hamd: Af Sonderzeichen hamma verzicht, weil des ois nur na schwieriga mochd.
Generelle Regln fia d' Umsetzung von am Dialektwort ins Schriftdeitsch gibt's nadiale ned, des wos gschrim wird soiad oba möglichst nah an der richtign Aussprach ling.
- Zu dem wiad Weata eiteild hand: Ole Eindräg im Weatabiachl soiadn nua in da Kategorie "Boarisch" steh,
weils a eigene Abteilung innerhoib vom RegioWiki is und in de andern Kategorien wega eanana groußn Zahl ois duachananda bringa dadn.
- Damit ma den neia Begriff eifüng ka, schreibt ma [[Kategorie:Boarisch]] am End von da ganzn Sach. De eckatn Klammern griagt ma, wenn ma af den "AB-Knopf" oberhoi vom Oarwadsfenster klickt, oder wenn ma de Tasten
"ALTGR8" beziehungsweis "ALTGR+9" midananda druckt.
- Quellenangabn: Bei Ausdrückn ausm Dialekt, desd ja jeden Dog brauchst, muss ma ned unbedingt af de jeweilign Sachan
vaweisn. Des geit a desweng, weil ma s nia genau song ka, wia ma iazd wos richde schreibt und wos ned. Oba desweng schods nadiale ned, wenn ma af des draf hi weist, des ma gschrim hod.
